Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

357 ich wæne in genuocte dâ mite,
      ob er selhen marstaller hæte.
      swie si schine in swacher wæte,
      sô weiz ich daz wîp noch man
      süezern schiltkneht nie gewan
362 dan Êrec fil de roi Lac,
      dô si sînes pherdes phlac.
      im zam von selhem knehte
      sîn vuoter wol mit rehte.
      hie wart der gast berâten
367 als si des state hâten.
      guote teppeche gespreit
      unde dar ûf geleit
      alsô rîchiu bettewât
      sô si diu werlt beste hât,
372 mit samîte bezogen,
      dem daz golt was unerlogen,
      daz daz bette ein man nie möhte erwegen
      und selbe vierde müeste legen,
      unde dar über gebreit
377 nâch grôzer herren werdekeit
[ zurück ]