einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5334 si enmüeste im erbarmen.als er dô die armen in selher ungehabe sach, vil nâch weinende sprach Êrec der tugenthafte man: 5339 "vrouwe, durch got saget an, waz ist daz ir weinet und wie sît ir sus vereinet in disem walde? durch got saget balde 5344 ob ich iu ze staten müge komen." nû hâte ir benomen diu bitter leides grimme vil nâch gar die stimme: ir herzen sûft daz wort zebrach 5349 daz si vil kûme gesprach: "weinens gât mir michel nôt. herre, mir belîbet tôt der aller liebiste man den ie wîp gewan." 5354 Êrec sprach: "vrouwe, wiest daz komen?" |