einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6779 des ist er an ein ende komenund westez rehte âne wân. ez was durch versuochen getân ob si im wære ein rehtez wîp. nû hâte er ir lîp 6784 ersichert genzlîchen wol, als man daz golt sol liutern in der esse, daz er nû rehte wesse daz er an ir hæte 6789 triuwe unde stæte unde daz si wære ein wîp unwandelbære. er druhte si an sîn bruste, vil dicke er si kuste 6794 vol minneclîchen und bat die tugentrîchen daz si wolde vergeben als ungeselleclîchez leben unde manege arbeit 6799 die si ûf der vart erleit. |