einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5310 ze orse komen schiereund liezen von ein ander gân, dazs ir puneiz möhten hân, und triben alle drî dan wider ûf ten einen man,5315 swaz diu ors mohten gevarn. dar under muoser sich bewarn dar nâch als ein wîser man der sîne rîterschaft wol kan und sîne kraft mit listen5320 ze rehten staten vristen. sî brâchen ûf im alle ir sper: daz sîn behielt aber er unde warf daz ors von in unde leisierte hin5325 von in eines ackers lanc, und tete schiere den widerwanc unde lîmte vaste sîn sper vor ûf sîne brust her, als in diu gewonheit lêrte.5330 und dô er zuo in kêrte, |