einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6771 deiswâr, des heter michel reht.als schiere so im des tiuvels kneht sînen rücke kêrte, daz in got sô gêrte, dô sluoc er in kurzen stunden6776 im vil manege wunden: in die arme und in diu bein und swâ er ungewâfent schein, dâ gap er im vil manegen slac. wan jener der dâ nider lac,6781 dern moht im niht ze staten komen: wand im hete der lewe benomen sô gar die kraft untten sin daz er vür tôt lac vor in. dô vâhten sî in dô an,6786 beide der lewe untter man, und heten in vil schier erslagen, und doch unglîch einem zagen: wander gap in manegen herten streich, sît daz im diu helfe entweich.6791 der ander lebete dannoch: |