einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7668 daz ich iu sage die wârheit.beide guot und gemeit wâren die stegereife, breite goltreife, gebildet nâch zwein trachen. 7673 si kunde wol gemachen des goltsmides hant der sich es ze vlîze underwant. die zagele si ze munde bugen, ir vedern stuonden sam si vlugen, 7678 ir ougen wâren steine, vier jâchande kleine. ezn was dirre deweder stîcleder noch darmgürtel leder. ir müestet daz werc wol besehen 7683 ê ir westet wes ir soldet jehen, ob ez von golde wære durchslagen oder mit sîden übertragen. daz ez borten solden sîn, daz enwürde iu an den bilden schîn 7688 oder irn begriffet ez mit der hant, |