einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3237 der grasige wec ungebertder truoc si verre in einen wert, dâ der vischære bî dem sê saz, dâ von ich iu sagete ê, der den sælderîchen3242 sô ungezogenlîchen in sînen dürften emphie und die übele an im begie daz er in durch sînen haz sazte, dâ er noch saz,3247 ûf den dürren wilden stein und im dâ sîniu bein slôz in die îsenhalten. dô die zwêne alten daz hiuselîn gesâhen,3252 ze sælden si des jâhen daz si dâ nâch ir unmaht geruowen müesen die naht. Gevüeret hâten si mit in die spîse (daz was ein schœner sin)3257 der sie bedorften zuo der nôt, |