Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2664 von al der massenîe
        niuwan die drîe:
        her Gâwein der edel man,
        der doch nie lasters teil gewan
        unde aller tugende wielt,
2669 fil Dou Gilules bî im hielt
        und Segremors: dise drî
        enthielten vaste wider sî.
        si tâtenz dâ, wizzet daz,
        sô nie drî ritter baz,
2674 wan si mit stichen noch mit slegen
        von stete niemen mohte erwegen.
        doch müesten si sîn gevangen,
        und wære daz ergangen
        von der grôzen überkraft,
2679 diu aller dinge ist meisterschaft,
        - wider si niemen niht mac -
        wan daz Êrec fil de roi Lac
        schône in geriten kam,
        als vriunde an der nôt gezam,
2684 rehte sam des windes dôz.
[ zurück ]