Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6717 dar ûfe sazer.
        sîne rotruange er sanc,
        vil ebene stuont sîn gedanc,
        wande er enweste niht
        umbe dise geschiht.
6722 nû reit er ûf den burcwec.
        daz ros erkande Êrec
        dô erz aller verrest sach.
        vil liebe im dar an geschach.
        ez vuocte eht gotes wille.
6727 nû stuont er vil stille
        unz im daz ros sô nâhen kam
        daz erz bî dem britel nam
        wider in sîne phlege,
        unde huop sich after wege.
6732 vür sich sazte er die künegîn,
        ez enmohte dô niht bezzer sîn,
        vrouwen Ênîten,
        und gedâhte rîten
        allez vür sich durch daz lant.
6737 nû was der wec im unerkant:
[ zurück ]