Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2242 daz was in gelîche gelegen,
        in beiden ze halben wegen.
        nû schieden dise viere man
        mit urloube von dan,
        daz si sich bereiten dar zuo,
2247 wan ez was in niht ze vruo.
        Êrec fil der roi Lac
        maneger gedanke phlac,
        wie er dar sô kæme
        als sînem namen gezæme,
2252 wan er vor der stunde
        turnierens nie begunde.
        vil dicke gedâhte er dar an,
        in swelhem werde ein junger man
        in den êrsten jâren stât,
2257 daz er daz immer gerne hât.
        er vorhte den langen itewîz.
        deste grœzeren vlîz
        gâben sîne ræte
        wie erz dâ wol getæte.
2262 dô enwas er niht sô rîche
[ zurück ]