Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5283 vor leide dô si schieden dan.
        den künec muote sêre,
        daz er niht wolde mêre
        in dem walde bestân:
        er vuor gegen Karadigân.
5288 nû reit der ritter Êrec
        als in bewîste der wec,
        er enweste selbe war:
        sîn muot stuont niuwan dar
        dâ er âventiure vunde.
5293 nû reit er dâ ze stunde
        ein wênige wîle,
        kûme eine mîle:
        dô hôrte er eine stimme
        jæmerlîchen grimme
5298 von dem wege wüefen,
        nâch helfe rüefen
        erbarmeclîchen ein wîp,
        der was bekumbert ir lîp.
        als er daz rüefen vernam,
5303 michel wunder in des nam
[ zurück ]