einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9414 sô lange ir hinne gewesen sît,saget, wie vertribet ir die zît, iu enwære mê der liute bî? swie wünneclîch eht hinne sî und swie deheiner slahte guot 9419 sô sêre ringe den muot sô dâ liep bî liebe lît, als ir und iuwer wîp sît, sô sol man wærlîchen den wîben doch entwîchen 9424 ze etelîcher stunde. ich hân ez ûz ir munde heimlîchen vernomen daz hin varn und wider komen âne ir haz mac geschehen. 9429 swie sis niht offenlîche jehen, si wellent daz man in niuwe sî und niht ze allen zîten bî. ouch zæme disiu vrouwe baz, diu disiu jâr hinne saz, 9434 under anderen wîben. |