Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4963 iuwer reht und sîn hôchvart,
        daz diu ie sô grôz wart.
        ern kan sich lasters niht schamen,
        daz ers ir geburt unde ir namen
        niht enkan geniezen lân,
4968 swaz sî im joch hæten getân.
        ichn sol kein rîter schelten:
        iedoch muoz er engelten
        sîner ungewizzenheit.
        deiswâr, mac ich, ez wirt im leit.'
4973 Er hete in kurzen stunden
        den helm ûf gebunden
        und was vil schiere gereit:
        daz lêrt in diu gewonheit.
        sîn ors sach er bî im stân,
4978 er hiez die brücke nider lân.
        er sprach 'diz sol sich scheiden
        unser einem ode uns beiden
        nâch schaden und nâch schanden.
        ich getrûwes mînen handen
4983 daz ich sîn drô genidere.
[ zurück ]