Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1440 daz dû nû selbe dîn leben
        maht schephen unde kêren
        ze schanden oder ze êren.
        nû muostû disen selben strît
        in disen jâren, ze dirre zît
1445 under disen beiden
        nâch dîner kür scheiden,
        swaz dû dir wilt erwerben,
        genesen oder verderben,
        daz dû des nû beginnen solt.
1450 sun, nû wis dir selben holt
        und volge mîner lêre
        (sô hâstû tugent und êre
        vür laster und vür spot erkorn),
        daz dir durch dînen tumben zorn
1455 der werke iht werde sô gâch
        daz dich geriuwe dar nâch.
        dû bist ein sælic jungelinc:
        ze wunsche stânt dir dîniu dinc,
        dîn begin ist harte guot,
1460 die liute tragent dir holden muot
[ zurück ]