Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2101 Sî sprach 'ez dunket mich guot
        und gan iu wol daz ir den muot
        sô schône hât verkêret.
        ir sît mit im gêret
        und endurfet iuchs niemer geschamen.'
2106 sî sprach 'nû sage mir sînen namen.'
        'vrouwe, er heizet her Îwein.'
        zehant gehullen sî in ein.
        sî sprach 'deiswâr, jâ ist mir kunt
        sîn name nû vor maneger stunt:
2111 er ist sun des künec Urjênes.
        entriuwen ich verstênes
        mich nû alrêrst ein teil:
        und wirt er mir, sô hân ich heil.
        weist aber dû, geselle,
2116 rehte ob er mich welle?'
        'er wolde wærez nû geschehen.'
        'sage, wenne mag ich in gesehen?'
        'vrouwe, in disen vier tagen.'
        'ouwê, durch got waz wil dû sagen?
2121 dû machest mir den tac ze lanc.
[ zurück ]