Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2383 und enwolde sich niht gelîchen
        einem guoten knehte,
        und von allem rehte.
        giudens urloup möhte er hân
        derz dicke vür in hete getân:
2388 er endûhte sich niht sô vollekomen
        noch an manheit vernomen,
        daz ez im erloubet möhte sîn.
        swelher der gesellen sîn
        durch geselleschaft geruochte
2393 daz er sîn herberge suochte,
        der wart schône emphangen dâ
        mit gruoze baz dan anderswâ:
        an swelhen andern dingen
        erz niht mohte bringen,
2398 dâ schein sîn wille alsô
        daz ir iegelîcher was vrô
        swâ er im ze lobenne geschach.
        in minnete allez daz in sach.
        er tete alsam der Sælden schol:
2403 man enspræche im anders niht sô wol.
[ zurück ]