einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4153 der rede giengen sî dô nâch:wand mir was gewesen ze gâch: man liez mich ir niht wandel hân, und enwart ouch des niht erlân ichn schüef in rehte sicherheit4158 daz ich der rede wære gereit als ich dâ hete gesprochen, daz ich in sehs wochen mich mit kampfe lôste. die zwêne der ich mich trôste,4163 die reit ich suochen in diu lant, daz ich ir dewedern vant. dô suocht ich den künec Artûs, und envant dâ nieman ze hûs der sich ez wolde nemen an:4168 sus schiet ich âne kempfen dan. des wart ich sô ze spotte hie daz ez mir an mîn herze gie. sus wurfen sî mich dâ her in, als ich des beitende bin4173 daz sich mîn lîp sol enden: |