einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1324 herre, von welhen schulden erschrâket ir dô man mich bant? ez was doch ein dickiu want enzwischen iu unde mir. herre mîn, geturret ir 1329 einen vremeden tôt niht vertragen? ich wil iu geheizen unde sagen daz iu nieman niht entuot, und ist iu nütze unde guot. ob irz durch iuwer triuwe lât, 1332b daz ist ein vil swacher rât des iu got niht lônen wil, wan der triuwen ist ze vil.< Swie vil si vlêhe unde bete und ouch scheltens getete, 1335 daz enmohte ir niht vrum wesen; si muose iedoch genesen. swaz dô scheltens ergienc, der arme Heinrich ez emphienc tugentlîchen unde wol, 1340 als ein vrumer ritter sol |