Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

788 erwirbet er iht des er gert,
      der mac im selben danc sagen
      und den muot dâ von wol hôhe tragen.
      Jâ wæne ie dehein man
      âne kumber liep gewan.
793 wir haben des mêre vernomen
      von manigem, der doch volkomen
      was an ganzem sinne
      und ûf genâde der minne
      dienete ie vil schône,
798 und beleip mit swachem lône,
      danne daz ieman habe heil,
      ern gedienes etlich teil.
      Lîp, dar an gedenke wol
      und gebâre als ein man sol,
803 tuo niht mêre als ein zage,
      lâ dîn üppige klage,
      sich ûf unde wis frô,
      und gebâre rehte alsô:
      'got alsô guot, ich bin hie'.
808 jâ verliez got den sînen nie.
[ zurück ]