einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich744 unlange doch mit mir iuwer vreude muget hân, ob ich joch lebende bestân. belîbe ich âne man bî iu zwei jâr ode driu, 749 sô ist mîn herre lîhte tôt, und komen in sô grôze nôt vil lîhte von armuot daz ir mir selhez guot zeinem man niht muget geben, 754 ich enmüeze alsô swache leben daz ich iu lieber wære tôt. nû swîge wir aber der nôt, daz uns niht enwerre und uns mîn lieber herre 759 wer und alsô lange lebe, unz man mich zeinem manne gebe der rîche sî unde wert: sô ist geschehen des ir dâ gert, und wænet mir sî wol geschehen. 764 anders hât mir mîn muot verjehen: |