einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich645 daz der sêle genist werde und lanclîp ûf der erde. dû gihst, dû wellest dîn leben durch unser beider vreude geben; dû wilt iedoch uns beiden 650 daz leben vaste leiden. daz dîn vater unde ich gerne leben, daz ist durch dich. waz solde uns lîp unde guot, waz solde uns werltlîcher muot, 652c swenne wir dîn enbæren? dune solt uns niht beswæren. jâ soltû, liebe tohter mîn, unser beider vreude sîn, unser liebe âne leide, 654b unser liehtiu ougenweide, unsers lîbes wünne, ein bluome in dînem künne, unsers alters ein stap. und lâzestû uns über dîn grap 659 gestân von dînen schulden, |