einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9579 der beitet eines niuwen man:den solde ich mit iu hân bestat und iuwer houbet drûf gesat. des hât uns beide got erlân. ich wæne hiute erworben hân 9584 ein schadelôse schande, sît mich von disem bande hât erlœset iuwer hant. got der hât iuch her gesant. hiute ist mînes kumbers zil: 9589 nû var ich ûz und swar ich wil. und sî iu daz vür wâr geseit: ir sît ze grôzer sælikeit disem hove her komen, wan mit mir was im benomen 9594 elliu sîn wünne gar. und was eht schœner vreuden bar. sît daz in mîn abe gie sô enwart eht hie nie deheiner slahte spil erhaben: 9599 durch daz in lebende was begraben |