Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3647 vrouwe Ênîte was vil vrô
        der ruowe der si dô bekam
        dô man ir diu ros benam.
        ir was als der sêle
        der von Michâêle
3652 wirt der hellewîze rât,
        diu lange dâ gebûwen hât.
        ein bat hiez er bereiten,
        wan er von arbeiten
        von dem gewæfen ûf der vart
3657 sweizic unde râmic wart:
        des belôste er den lîp.
        als er gebadete und sîn wîp,
        daz ezzen was bereite.
        als man in daz seite,
3662 den tisch er dô rihten hiez.
        vrouwen Ênîten er niht liez
        ensament mit im ezzen,
        wan er was gesezzen
        besunder hie und si dort
3667 von im an der tweheln ort.
[ zurück ]