einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1752 ez erbarmet einem steine.got enhelfe mir noch dan, mîn ruowe wirt noch kleine. an gedingen, des mir nie zeran, ze trôste ich mich noch leine.1757 wider dich bin ich valsches wan, mit triuwen ich dich meine; da enlâ mich niht verliesen an durch dîn tugent manicvalt und reine. Mîn frumen mir vil sêre schât:1762 jâ lebe ich sam ich swande über tiefen sê, dan man hât verre unz ze sande; den hete sælde heim gelât, ob in got ûz gesande.1767 sîn liegen snîdet sam ein grât, swer daz ie guot genande, ob mich mîn dienest niht vervât. die sêle gibe ich ze phande daz mîn triuwe niht zergât,1772 wan der schade bræhte schande. |