Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7103 under die næhsten dâ bî,
        diu selbe stuont enmitten,
        den rittern under die dritten.
        "nû sage waz wære ir bettewât?"
        entriuwen, als ez der walt hât,
7108 schœnez loup und reinez gras,
        sô ez in dem walde beste was.
        waz touc daz lange vrâgen,
        wan daz si doch lâgen?
        diu naht ein süezez ende nam.
7113 als in dô der tac kam,
        nû riten si von dan.
        der vil wênige man,
        Guivreiz ir wirt, vuorte sî
        ze bezzerm gemache dâ bî,
7118 ûf eine sîne veste
        dâ er si bewart weste
        ze vollem gemache.
        von aller guoten sache
        sô was daz selbe hûs vol,
7123 rehte als ich iu sagen sol.
[ zurück ]