einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7863 sô was ir drîzec über al.sus was daz hûs gevieret: die türne gezieret obene mit goldes knophen rôt, der iegelîcher verre bôt 7868 in daz lant sînen glast. daz bewîste den gast dem dar ze varne geschach, daz er den schîn verre sach und er des hûses ûf der vart 7873 des tages niht verirret wart. ein wazzer drunder hin vlôz, des val gap michelen dôz, wan ez durch ein gevelle lief. daz selbe tal was alsô tief, 7878 swer ûf die zinnen sitzen gie und er ze tal diu ougen lie, den dûhte daz gevelle sam er sæhe in die helle: der swindel in ze tal zôch, 7883 sô daz er wider in vlôch. |