Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3106 niuwan der himel was sîn dach.
        er enhete deheinen scherm mê
        vür rîfen noch vür snê,
        vür wint noch vür regen
        niuwan den gotes segen.
3111 im wâren kleider vremede,
        niuwan ein hærîn hemede:
        im wâren bein und arme blôz.
        er enmöhte der spîse die er nôz,
        als ich iu rehte nû sage,
3116 weizgot vierzehen tage
        vor dem hunger niht geleben,
        im enwære gegeben
        der trôstgeist von Kriste
        der im daz leben vriste,
3121 daz er vor hunger genas.
        ich sage iu waz sîn spîse was:
        ez seic ûz dem steine
        wazzers harte kleine.
        dar under gruop er ein hol,
3126 daz wart mit einem trunke vol.
[ zurück ]