einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius937 unz daz erz gesandewol gesunt ze lande. In zwein nehten und einem tage kam ez von der ünden slage ze einem einlande,942 als ez got dar gesande. ein klôster an dem stade lac, des ein geistlich abbet phlac. der gebôt zwein vischæren daz si benamen wæren947 vor tage vischen ûf den sê. dô tet in daz weter wê: der wint wart alsô grôz daz si kleine noch grôz mohten gevâhen.952 si begunden wider gâhen. in der widerreise vunden si ûf der vreise sweben des kindes barke. nû wunderte si vil starke957 wie si dar komen wære |