Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

2878 daz haber eine âne nît.
         Iu hât verdienet iuwer hant
        eine künegîn unde ein lant:
        sult ir nû dâ verderben bî,
        sô wæn ich daz noch rîcher sî
2883 âne huobe ein werder man.
        her Îwein, dâ gedenket an,
        und vart mit uns von hinnen,
        und gewinnet mit minnen
        der küneginne ein urloup abe
2888 zeinem tage der vuoge habe,
        und bevelhet ir liut unde lant.
        ein wîp die man hât erkant
        in alsô stætem muote,
        diun bedarf niht mêre huote
2893 niuwan ir selber êren.
        man sol die huote kêren
        an irriu wîp und an kint,
        diu sô einvaltec sint
        daz sî eins alten wîbes rât
2898 bringen mac ze missetât.

[ zurück ]