einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3040 wan er alle sîn arbeitim ze dienste kêrte, wier im sînen prîs gemêrte. swâ sî turnierens pflâgen, des sî niht verlâgen,3045 dâ muose selch rîterschaft geschehen die got mit êren möhte sehen: dâ vürdert er in in allen wîs und alsô gar daz im der prîs aller oftest beleip;3050 unz er der tage ze vil vertreip. im gie diu zît mit vreuden hin. man saget daz mîn her Gâwein in mit guoter handelunge behabte unde betwunge3055 daz er der jârzal vergaz und sîn gelübede versaz, unz daz ander jâr gevienc und vaste in den ougest gienc. Nû wâren sî beide3060 mit vreuden sunder leide |