einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3909 daz im dâ überiges schein,daz âz der lewe unz an diu bein. Her Îwein leite sich und slief: der lewe wachet unde lief umb sîn ors unde umb in.3914 er hete die tugent und den sin daz er sîn huote zaller zît, beidiu dô unde sît. diz was ir beider arbeit, daz er nâch âventiure reit3919 rehte vierzehen tage, und daz mit selhem bejage der wilde lewe disem man sîne spîse gewan. Dô truoc in diu geschiht3924 (wande ern versach sichs niht) vil rehte an sîner vrouwen lant, dâ er den selben brunnen vant, von dem im was geschehen, als ich iu ê hân verjehen,3929 grôz heil und michel ungemach. |