Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6835 Er sprach 'lieber herre,
        nû man ich iuch vil verre,
        bedenket iuwer hêrschaft,
        daz iuwer gelübede habe kraft.
        sît ich hie gesiget hân,
6840 sô sult ir iuwer gevangen lân
        alle ledec durch mich.'
        der wirt sprach 'daz ist billich'
        und liez sî ûz den banden sâ,
        und behabte den gast bî im dâ
6845 unz an den sibenden tac,
        daz man ir dô vil schône pflac
        und sî vil rîche cleite
        unde pfärit bereite,
        diu sî wol mohten rîten.
6850 in den sô kurzen zîten
        gewunnen sî wider den lîp
        unde wurden diu schœnsten wîp
        diu er ie mê gesach.
        daz schuof in daz kurze gemach.
6855 Dô reit er mit in von dan
[ zurück ]