Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7229 vil sêre verschrôten,
        daz die meilen rôten
        von bluote begunden,
        wande sî vil wunden
        in kurzer stunt enpfiengen
7234 die niht ze verhe engiengen.
         Sich huop wider morgen
        mit manlîchen sorgen
        dirre angestlîcher strît,
        und werte harte lange zît,
7239 unz vol nâch mittem tage,
        daz dô von ir deweders slage
        dehein schade mohte komen.
        in hete diu müede benomen
        sô gar den lîp und die kraft
7244 daz sî des dûhte ir rîterschaft
        diu wære gar ân êre,
        und envâhten dô niht mêre.
        ez wart dâ von in beiden
        ein vil gemüetlich scheiden,
7249 und sazten sich ze ruowe hie
[ zurück ]