Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1153 daz dir sô misselunge.
        vil guote wandelunge
        hân ich nû von dir vernomen.
        daz sol dir noch ze heile komen.
        Verwirf mînen rât niht
1158 und wizze daz dir wol geschiht.
        und ist daz dû ez wâr lâst
        als dû mir geheizen hâst,
        sô sî der schade verkorn
        âne aller slahte zorn
1163 den dû uns als manigen tac
        schüefe, dô unser phlac
        liep âne swære
        als unser reht wære.
        des wante uns, lîp, dîn lazheit.“
1168 herze, daz ist mir iemer leit,
        unde büeze ez swâ ich sol.
        „lîp, nu gevellet mir dîn rede wol.“
        entriuwen unde tuot sî sô?
        „jâ sî zewâre alsô.“
1173 Nû leiste ich gerne swaz dû wil.
[ zurück ]