Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

669 und emphienge dich daz selbe wîp,
      sô wærestû ein sælec lîp.
      Swaz kumbers dich dâ von ane gât,
      des tuost dû wol vil guoten rât.
      dû hâst kurzwîle vil,
674 der ich dir manige zelen wil,
      dâ mite dû sîn vergezzen maht.
      mit slâfe ergetzet dich sîn diu naht;
      die ruowest dû gar, daz ist wâr
      - daz heize ich daz halbe jâr -;
679 den tac vertrîbest dû ringe
      mit manigem lieben dinge:
      dû hœrest singen unde sagen,
      dû maht beizen unde jagen,
      spilen unde schiezen,
684 wie solde dich verdriezen
      tanzen unde springen?
      dû maht wol sanfte ringen.
      der dinge ist tûsent stunt mê,
      diu lânt dir selten werden wê;
689 dû wirst von kurzwîle frô.

[ zurück ]