einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich894 wan si doch niht enkunden ir niemer werden âne baz. geviengen si der rede haz, ez möhte in an ir herren vil harte gewerren 899 und verviengen anders niht dâ mite. mit vil willeclîchem site jâhen si beidiu dô daz si der rede wæren vrô. Des vreute sich diu reine maget. 904 dô ez vil kûme was getaget, dô gienc si dâ ir herre slief. sîn trûtgemahel ime rief, si sprach: >herre, slâfet ir?< >nein ich, gemahel, sage mir, 909 wie bistû hiute alsô vruo?< >herre, dâ twinget mich dar zuo der jâmer iuwer siecheit.< er sprach: >gemahel, daz ist dir leit, daz erzeigestû an mir wol, 914 als ez dir got vergelten sol. |