einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1031 dô sach er ligen dar inneseltsæne gewinne, ein kint, daz im sîn herze jach daz er sô schœnez nie gesach. Der ellende weise,1036 wande er deheine vreise gevürhten niene kunde, mit einem süezen munde sô lachete er den abbet an. und alsô der gelêrte man1041 an sîner tavele gelas wie daz kint geborn was, daz manz noch toufen solde und ziehen mit dem golde, daz kunde er wol verswîgen.1046 ze gote begunde er nîgen, ze himele huop er tougen die hende und diu ougen und lobete got des vundes und des kindes gesundes.1051 Daz kindelîn si vunden |