Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3695 'leider ich engesach si nie.
        nû saget, wâ liezet ir si hie
        oder wie vergâzet ir ir sus?'
        'ich lie si', sprach Grêgôrius,
        'in dem hiuselîne dâ ich slief.
3700 dô man mir des morgens rief,
        dô wart mîn angest swære
        daz ich versûmet wære:
        ich erschrihte von slâfe und îlte iu nâch
        und wart mir leider alsô gâch
3705 daz ich der tavele vergaz.'
        der vischære sprach: 'waz hülfe uns daz
        ob wir si suochten? dâ si lît,
        dâ ist si vûl vor maniger zît.
        ouwê, lieber herre mîn,
3710 jâ stuont daz selbe hiuselîn
        nâch iu niht zwelf wochen
        unz daz ez wart zebrochen:
        ich hân ez allez verbrant,
        beidiu dach unde want.
3715 ich truoc iu dô sô herten muot:
[ zurück ]