Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9015 sîn ros was grôz unde hô,
        starc rôt zundervar.
        der varwe was sîn schilt gar:
        sîn wâpenroc alsam was,
        er selbe rôt, als ich ez las,
9020 gewâfent nâch sînem muote.
        ich wæne sîn herze bluote
        swenne er niht ze vehtenne vant:
        sô mordic was sîn hant.
        nû reit er zuo dem gaste
9025 und gruozte in ein teil vaste,
        gelîch einem übelen man.
        er sprach: "valschære, nû sage an,
        wer hiez iuch der vrouwen sô nâhen gân?"
        "waz hân ich dar an missetân?"
9030 "ez ist eht vil tœrlich."
        "herre, wes scheltet ir mich?"
        "dâ dunket ir mich der vrouwen ze balt."
        "herre, ir sprechet iuwern gewalt."
        "saget, wer brâhte iuch her?"
9035 "guote vriunt." "nû saget doch, wer?"
[ zurück ]