Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

626 sînem guoten râte.
       Dô die herren über daz lant
      ze hove wurden besant,
      dô si vür kâmen
      und ir herren vernâmen,
631 sîner bete wart gevolget sâ.
      dem alten bevalh er dâ
      sîne swester bî der hant.
      sus gedâhte er rûmen sîn lant.
      den schaz den in ir vater lie,
636 der wart mit ir geteilet hie.
       Sus schieden si sich beide
      mit grôzem herzeleide.
      enheten si niht gevürhtet got,
      si heten iemer der werlde spot
641 geduldet vür daz scheiden.
      man möhte von in beiden
      dâ grôzen jâmer hân gesehen.
      niemer müeze mir geschehen
      alsô grôzer ungemach,
646 als den gelieben geschach,

[ zurück ]