Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4620 der hof enwart vor des noch sît
        sô harte nie beswæret:
        doch wârens unerværet
        die sî dâ vüeren sâhen.
        dâ wart michel gâhen:
4625 ez rief dirre und rief der
        'harnasch unde ors her:'
        und swer ie gereit wart,
        der jagte nâch ûf die vart.
        sî sprâchen 'es wirt guot rât,
4630 sît erz uns sô geteilet hât:
        er vüeret sî unverre,
        ezn sî daz unser herre
        mit im wider uns sî.'
        dô sprach der herre Keiî
4635 'in beschirmt der tiuvel noch got,
        der uns disen grôzen spot
        an mîner vrouwen hât getân,
        ezn müez im an sîn êre gân.
        ich bin truhsæze hie ze hûs,
4640 unde ez hât der künec Artûs
[ zurück ]