Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2473 dô tet si alsô drâte
        nach der mägede râte
        und gie dâ si die tavel vant
        und erkande si zehant,
        daz ez diu selbe wære
2478 (als man iu an dem mære
        ouch dâ vor seite)
        die si zir kinde leite.
        und als si dar an gelas
        daz si aber versenket was
2483 in den vil tiefen ünden
        tœtlîcher sünden,
        dô dûhte si sich unsælic genuoc.
        zuo den brüsten si sich sluoc
        und brach ûz ir schœne hâr.
2488 si gedâhte daz si vür wâr
        zuo der helle wære geborn
        und got hæte verkorn
        ir herzenlîchez riuwen
        daz si begienc mit triuwen
2493 umbe ir erren missetât,
[ zurück ]