Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8028 dô sprancte der künec Êrec
        vil sêre lachende ûf den wec.
        er sprach: "edel ritter, nû wol dan!
        und ist ez niuwan ein man
        an dem si ze gewinne stât,
8033 des möhte werden guot rât.
        wâ mite machet irz sô grôz?
        weder ist er berc oder berges genôz,
        daz man in alsô vürhten sol?
        ich wânde daz hûs wære vol
8038 gewürmes und wilder tiere
        diu uns alsô schiere
        âne wer den lîp næmen,
        sô wir dar kæmen.
        noch hân ich ze lebene wân.
8043 er enwirt doch des niht erlân,
        ob es got geruochet,
        ez enwerde an im versuochet.
        sleht er mich, sô bin ich tôt:
        daz ist der werlde ein ringiu nôt."
8048 Guivreiz der künec guot
[ zurück ]