einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7117 ze bezzerm gemache dâ bî,ûf eine sîne veste dâ er si bewart weste ze vollem gemache. von aller guoten sache 7122 sô was daz selbe hûs vol, rehte als ich iu sagen sol. ez stuont enmitten in einem sê: der gap im genuoc und dannoch mê der aller besten vische 7127 die ie ze küneges tische dehein man gebrâhte, swelher hande man gedâhte. dar zuo was dâ daz beste jaget dâ von uns ie wart gesaget. 7132 ez hete der künec umbe den sê wol zwô mîle oder mê des waldes in gevangen und mit mûre umbegangen: dar in gienc dehein tor mê 7137 niuwan ûz gegen dem sê. |