Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3307 wie er getobet hâte
        und vie sich alsô drâte
        mit beiden handen in daz hâr.
        ich hete im geholfen vür wâr,
        und wære ich im gewesen bî,
3312 swie erbolgen ich im anders sî.
         Dô er sich geroufte genuoc
        und sich zen brüsten gesluoc,
        dô vrâcten in die herren
        waz im möhte gewerren,
3317 dô si in sô tiure sâhen klagen.
        nu begunde er in vil rehte sagen
        um Grêgôrium sînen gast,
        daz in des mæres niht gebrast.
        ich wæne ez unnütze wære,
3322 ob ich daz vorder mære
        iu nû aber anderstunt
        mit ganzen worten tæte kunt:
        sô machte ich ûz einer rede zwô.
        die boten wurden harte vrô,
3327 wan si spürten an dem mære
[ zurück ]