einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3328 daz machte daz er im her vürdeste willeclîcher bôt sîn wazzer unde sîn brôt: erne vorht in dô niht mê und was im bezzer danne ê,3333 unt vant ie diz dâ gereit. ouch galt er im die arbeit mit sînem wiltpræte. daz wart mit ungeræte gegerwet bî dem viure.3338 im was der pfeffer tiure, daz salz, unde der ezzich. ze jungest wenet er sich daz er die hiute veile truoc, unde kouft in beiden gnuoc3343 des in zem lîbe was nôt, salz unde bezzer brôt. Sus twelte der unwîse ze walde mit der spîse, unz daz der edele tôre3348 wart gelîch einem môre |