Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

318 an sîner swester minne
      sô riet er im ze verre
      unz daz der juncherre
      verkêrte sîne triuwe guot
      ûf einen valschen muot.
323 Daz eine was diu minne
      diu im verriet die sinne,
      daz ander sîner swester schœne,
      daz dritte des tiuvels hœne,
      daz vierde was sîn kintheit
328 diu ûf in mit dem tiuvel streit
      unz er in dar ûf brâhte
      daz er benamen gedâhte
      mit sîner swester slâfen.
      wâfen, herre, wâfen
333 über des hellehundes list,
      daz er uns sô geværic ist!
      war umbe verhenget im des got
      daz er sô manigen grôzen spot
      vrumet über sîn hantgetât
338 die er nâch im gebildet hât?
[ zurück ]