einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3565 ze einem heile sîn geschehendaz ir mich hie habet gesehen und geruochet iuch erbarmen über mich vil armen und gedenket mîn ze gote.3570 wir haben von sînem gebote, swer umbe den sündære bite, dâ lœse er sich selben mite. nu ist zît daz wir uns scheiden: waz vrumet iu daz beiden?3575 ir vreut an mir des tiuvels muot. mîn kurzwîle ist alze guot. ich bûwe hie zewâre in dem sibenzehenden jâre, daz ich nie menschen gesach.3580 ich vürhte, diu vreude und der gemach diu ich mit rede mit iu hie hân, ich müeze ir ze buoze stân vor im der deheine missetât ungerochen niene lât.'3585 Sus stuont er ûf und wolde dan. |