einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6903 wan er bereite sich ouch dar zuo,als er tjostieren solde, ob er niht verzagen wolde, des ich in vil sicher sage: er enwas doch niht ein zage. 6908 daz bescheinte er wol dâ und ouch dicke anderswâ. diu sper begunden si neigen und ir kraft erzeigen. zesamene liezen si gân: 6913 dô wart ein rîchiu tjost getân. die vil guoten knehte, nû trâfen si vil rehte beide nâch ir gemerke. nû half niuwan sîn sterke 6918 den baz geruoweten man daz er den prîs dâ gewan und im alsô wol geschach. Êrecken er dâ nider stach hinderz ors an daz gras 6923 als lanc sô der schaft was. |