Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

547 ir getuot ze wîbe
      mîner tohter wol rât,
      wan si des guotes niht hât.
      swie grôzen bresten ich nû dol,
      doch sult ir mir gelouben wol,
552 ich hân gesehen ê den tac
      daz iuwer vater der künec Lac
      mich gesellen nande.
      wir nâmen in sînem lande
      beide mit ein ander swert.
557 daz ir nû mîner tohter gert,
      mich entriege mîn wân,
      daz hânt ir durch schimph getân."
      Êrec wart von der rede rôt.
      er sprach: "herre, welch nôt
562 twinget iuch ûf den wân
      daz ichz durch schimph habe getân?
      daz sult ir ûz dem muote lân
      und mîniu wort vür ernest hân.
      waz solde mir iezuo der spot?
567 jâ bite ich mir sô helfen got
[ zurück ]